قدر المستطااااع ....

m0o0ny الخميس 22 مايو 2008, 7:05 am

تدري وش كثر الوله بين الضلوع؟!

شي أضمّه حيل قدر المستطاع
وتدري ليه القلب معلن بالخضوع

لانه يْحسّ بحلاوة الاجتماع
وتدري ليه العين تغرق بالدموع

لو تحس إنه بدى وقت الوداع
يا حبيبي يا بعد حلم الرجوع

يا هوى كل المتيّم والمتاع
لا تحَسْب إني على الفرقى جزوع

أبتسم لك .. بس في جوفي صراع
لا تغرّك وقفتي عند الطلوع

يوم صار الشعر بعضه إستماع
أسقي جذور الشعر وأنسى الفروع

وأكتبه من قبل حسن الاطلاع
لو نَظَرْتْ لعاشقك نَظْرَتْ قنوع

تدرك إنه ما يواريه القناع
وإنت روحه يا ضيا كل الشموع

في وسط حبر الليالي واليراع
دام حبك ما عرف شين الطبوع

لك عليّ إنّي أطيعك يا مُطاع
لو تثور العين والدمعه تلوع

ما بقى للكحل موضع إمتناع
الشعر سيفي ونظراتك دروع

وإحتدام المعركه ضربة شجاع
والهوى أشكال تقتل كلّ نوع

والوشايا صوتهم يبقى رعاع
لا تهاب أصواتهم لو هي جموع

صاحبك فكّاك تجميع النزاع
صاحبك دون الغلا يفداك طوع

لو تكون المركب .. يْكون الشراع
بس .. يبليه الوله بين الضلوع

ليتك تْضمّه بقدر المستطاع

هادي المنصوري