احبك بس مكتوب تكون لغيري

bskoota الخميس 15 يناير 2009, 12:38 am

احبك بس مكتوب تكون لغيري

*********
...كبيرة فرحتي بحبه ... سعيدة بداية قصتي

لكن أنـــــا أدري .... نهاية قصتي أليمه.
.
وأدري إني بتألم .. وبتألم !..

بيننا مسافات ... وقدر .. لو طوينــا المسافات .. ما انكسر القدر ..

هو ما يدري عن غلاه الساكن بالخفايا ..

ما يدري شكثر أهواه .. وأحبه ..

أحبه .. والله أحبه .. أموت في حبه ..

بس ما هو مكتوب اللقاء بيننــا ..

وأداري أحاول أخفي إحساسي المجروح

وأدفنه بوسط الحشا.. دمعه من فرقاه طاحت ...

إحساسه ... وشوقه ... وأوصافه .. أحلامي الوردية

لكن مكتوب أنحرم حتى من أحلامي ..

صوته يحرك كل أحاسيسي ..

بس مجبورة أكتم حبي له وشعوري ..

وأتركه

اّه ياعذابي الكبير أتركه ..

اّه شلون أقدر أقول أتركه ..

يا قساوة القدر أتخلى عن روحي ؟!..

لازم أتركه يعيش حياته ... مع غيري ..

يا حبيبي .. لو تدري شلون أعاني وأتألم ..

أحبك ............ وأغليك

لو تطلب الروح ما تغلا عليك ..

من يحب .. يتمنى يشوف غلاه متهني ..

بس أنا أتعذب ... يا حبيبي تعرف شلون أتعذب .. إنك تكون لغيري

غيرتي تصرخ وتنوح .. إنت لي .. لي وبس ..

فراقك يعني موتي .. ياروحي ..

بس أنا أدري إنك ما تكون لي ..

أحبك يا هوى الروح والمنى .. بس لغيري مكتوب تكون ..

أدري إيه ... أدري إنك ما بتكون لي .. اعيدها وأزيدها

وأنا أدري إني اطعن قلبي بخنجر ..

شنو بيدي أسويه ... أسجنك بعيوني ... أسجنك بقلبي ..

أبيك .. يا غلاي .. أبيك لي ..

بس مردك تخليني .. وينكسر قليبي ..

ويظل الشوق يحرقني ويكويني ..

وذكراك قدر مكتوب على جبيني ...

مهما رحت ... مهما غبت عني ..

تراك غالي ..

بس ماراح تكون لي

أحبك .... أحبك