دليل المحبه ... متعب التركي

m0o0ny الثلاثاء 12 أغسطس 2008, 5:12 am

دليل المحبه شوف عيني عليك تغار..
ولاودي الحاسد عيونك يطالعها..
مع انك رحلت بعيد لكن بقى التذكار..
لياشافته عيني تسابق مدامعها..
دفنت الغرام بخافقي والقلوب اسرار..
مشاعر هقيت ان الليالي تضيعها..
فرحت برجوعك ماطلبت لخطاك اعذار..
ونفسي تناست ماجرى من تواضعها..
تهادت مشاعر خاطري لك بلا معيار..
تجاهلتها لو كنت خابر دوافعها..
يقولونها قبلي يخون البحر بحار..
والامواج لاهاجت خذت ماتبي معها..
تكاثرت منك الصد وأثر العلوم كبار..
لقيتك على نفسي تقلب مواجعها..
اقوله وانا اللي شفت ذاك الغلا ينهار..
يشوف الندم رجال نفسه يطاوعها..
مثل ماضرب جو خلا غادي محتار..
يدوج ورجله مادرى وين موقعها..
تعرض سموم القيض والدار مامن دار..
هليك وشعر بالموت روحه ينازعها..
جحدت الغلا لين امتلى بالخفوق وثار..
قصايد عساها اليوم تطرق مسامعها..
غرامك مثل نار حطبها الغلا والنار..
تموت وغلاك اللي بقلبي يولعها..
غلاك بضميري واضح ماعليه غبار..
تشيل الغلا نفسي وانا عاجز امنعها..
يقولون ماودعك قلت الفراق وصار..
والانسان روحه تنسلب مايودعها..
هذيك الليالي وين وأثر الزمن دوار..
خذاها ولاظني زماني يرجعها..
طوتها السنين ولابقالي سوى التذكار..
ليا شافته عيني تسابق مدامعها[/size]..

[/size][/justify]