ليتنــــــــــــــــــــــي طير

BETTYBOOP الخميس 07 مايو 2009, 12:42 am

للشاعر / محمد ابن فطيس المري ..

ليتني طير إلى من ضاق رفرف به جناحه
لا تضايق حرّك الجنحان لحدود السحابه
يرتفع حتى يبدل ضيقة الصدر انشراحه
يعتلي النسناس ويعانق به النوّ وضبابه
لو يروح بعيد ما أحد يسأله سبة مراحه
ما هو بمثلي يفجّر ضيقته دمع وكتابه
لا نوى ما هو يحسّب فرق بعد ولا مساحه
ولا يحاتي لا لفى بأرض بعيد ولا قرابه
ما يفكّر غير في لمة جناحه وانفتاحه
لا بغى ينزل بنهر وان بغى ينزل بغابه
لأجل قلب لا طرى له صاحبه داعب جراحه
عانده وجه الزمان وزاد وقته من مصابه
صاحبي والحظ الأقشر قلّد أيامي وشاحه
يسقي أيامي دموع ويطعم الظلمى كآبه
في رجاء لقياك دارت غربتي في كل ساحه
وعين قلبي في غيابك صدّقت كذب السّرابه
لا أرتسم بعدك هجير ترتسم لقياك واحه
ولا أرتسم حبك قريب تصبح اللقيا مهابه
لا جنت فرقاك فرح ولا أثمرت جمعاك راحه
بين حرّ القرب وأحزان الفراق أوجه تشابه
من مساء هاجس لقاك اللي يماطل في صباحه
لين هاجوس الفراق اللي تمادى في عذابه
ليت قلبي طير لا من ضاق رفرف به جناحه
لا تضايق حرّك الشريان لحدود السحابه

m0o0ny الأحد 10 مايو 2009, 6:20 am

تسلم ايدينج خيتووو خوووش قصيده

BETTYBOOP الأحد 10 مايو 2009, 3:50 pm

يشرفني مرورج مووووون

ليتنــــــــــــــــــــــي طير

ليتنــــــــــــــــــــــي طير

رد: ليتنــــــــــــــــــــــي طير

رد: ليتنــــــــــــــــــــــي طير