يجيني يوم وأعطيها

يقول الشاعر : حامد زيد

ويابخت اللي يقرى كلامه ترى فيه عناد وتحدي وأنا أحب التحدي أخليكم مع تحدي حامد لنفسه ولحبه ولقلبه

انا ما اخطيت في حقك ولكن الكـلام عتـاب
أعاتـب والعتـب كلمـة تفسرهـا معانيهـا
اعاتب واحسب بهرجي الا مني حكيت حساب
وكلمه يستحـي منهـا لسانـي يبتـدى فيهـا
واذا انت من العتب تزعل علينا وابتصك الباب
ترى ما نيب قاصدهـا ولانـي فيـك ناويهـا
ولا ودى على الفرقا وقلبي داخلـي مرتـاب
اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب
واشوف ان الجفا خطوة ولاني قادر اخطيهـا
وقلبي لو عشق يخلص ولو طالت عليه رقاب
وتشهد له دروب الحب حاضرهـا وماضيهـا
عشقنا والهوى حسرة،مشينا ولاأمـل كـذاب
بدينـا نانبنـي منهـا قليـل مـن بلاويـهـا
عرفت الحب من عمري صغير بالغرام وشاب
وقلبي للحبيب اكبر مـن الدنيـا ومـا فيهـا
صحيح انى نويت ابعد ولكن الهـوى غـلاب
وهي رحلة بديت بها ولا ادري كيف بنهيهـا
تحريتك شروق الشمس وشفتك للشروق غياب
ولا اضنك تبيع العشره اللـي كنـت شاريهـا
بقى لي بالهوى نظرة وتغريبة ودمـع اهـداب
وقصة بترك لسانـك علـى العـذال يرويهـا
واناجي باقي حروفي وبألف للفـراق كتـاب
قصايـد تملـي اوراقـي ارددهـا واغنيهـا
واذا مرتني الذكرى وجرحي بالحشا ما طـاب
بتبعدنـي وتدنيـنـي وببعـدهـا وابدنيـهـا
وانا عيب علي اشكي من الدنيا بدون اسبـاب
مدامي ما خذ منهـا يجينـي يـوم واعطيهـا



قالها حامد

تماديتي وأنا مثلـك تماديـت بهجـر وبعـاد
وكـلٍ مثّـل عنـاده خفـوقٍ ثابـتٍ صامـد

وإذا عندك بعادي عيد ترى عندي جفاك أعياد
وعسى طول الجفا مني يليّـن قلبـك الجامـد

أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد

بكون أكبر من الغلطـة وبعلـن للهوا ميـلاد
إذا كان الخطـا منـك مجـرّد ثـورة الخامـد

وإذا كان الجفا منّك مسافـات وغـلا وعنـاد
تراي أكبر من عنادك وقولـي قالهـا حامـد




قـــالـــهـــا حــــامـــــد


تماديتي وأنا مثلـك تماديـت بهجـر وبعـاد
وكـلٍ مثّـل عنـاده خفـوقٍ ثابـتٍ صامـد


وإذا عندك بعادي عيد ترى عندي جفاك أعياد
وعسى طول الجفا مني يليّـن قلبـك الجامـد


أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد


بكون أكبر من الغلطة وبعلـن للهـوا ميـلاد
إذا كان الخطا منـك مجـرّد ثـورة الخامـد


وإذا كان الجفا منّك مسافـات وغـلا وعنـاد
تراي أكبر من عنادك وقولـي قالهـا حامـد